نظرة عامة على الكاميرا كانون 700 دى | Canon 700D

اذا كنت لسة ما بدأتش تعمل فيديوهات على
اليوتيوب او خايف تصرف فلوس فى كاميرا بروفيشنال بسبب انك متخيل انك مش حتعرف
تستعمل الكاميرا لان ما عندكش الخبرة التقنية او انك بدأت تعمل فيديوهات على
اليوتيوب و بتصور بالموبايل و بتفكر تعمل upgrade و تشترى كاميرا بروفشنال

فى الفيديو انهاردة حنبدأ ناخد نظرة عامة على
الكاميرا كانون 700D و لما حتشترى الكاميرا دى ممكن تشتريها من غير عدسات و انصحك لانك
تعمل كده لان العدسة اللى بتيجى مع الكاميرا دى و هى 18-55 mm بتكون الجودة بتاعتها مش حلوة اوى خصوصا لو
حتصور جوة استوديو باضاءات صناعية حتحتاج تغير العدسة دى لانها مش حتنفعك خالص لكن
ممكن تستخدمها اذا كنت حتصور vlogs فى ضوء النهار و حتعتمد على اضاءة الشمس

تانى حاجة حنتكلم عنها الحزام اللى بيجى مع
الكاميرا و ده مهم جدا ان احنا نركبه فى الكاميرا لانه بيحقق الامان للكاميرا من
انها تقع منك

لما نيجى نبص على الكاميرا من قدام حتلاقى
فيه cover  مكان ما العدسة بتتركب و هى مجرد cover
 لحماية المكونات الداخلية من الاتربة مثل الحساس
و المرايات و بنركب cover ده طالما ان
مفيش عدسة متركبة فى الكاميرا و بالتالى احنا نقدر نفك cover بالطريقة دى

لما نبدأ نركب العدسة يفضل اننا نخلى فتحة
الكاميرا الامامية الى اسفل و نبدأ بوضع النقطة البيضة او الحمرا الموجودة فى
العدسة و الكاميرا على بعض و لون النقطة تختلف باختلاف نوع العدسة فالنقطة الحمرا
بتكون فى العدسات Full Frame اما النقطة
البيضا بتكون موجودة فى العدسات crop frame

و حنعمل فيديو قريبا عن انواع العدسات و ازاى
تختار العدسة المناسبة ليك و الاسس اللى حتختار على اساسها العدسة

و بعد لما نحط النقطتين اللى زى بعض فوق بعض
نلف العدسة لغاية ما نسمع صوت lock اما لما نحب نفك العدسة من الكاميرا نضغط على الزر ده نلف العدسة
فى عكس الاتجاه الاول

بعد كده ندخل فى تركيب البطارية .. لو بصينا
فى الكاميرا من تحت نلاقى غطاء البطارية و حتلاقى فيه lock طبعا لازم نفتحه بنشده كدة و نفتحه و طبعا
قبل ما نركب البطارية لازم نشحن البطارية الشاحن اللى جاى مع الكاميرا

الشاحن ده حتلاقى فيه لمبتين واحدى صفراء و
التانية خضراء . اول ما نركب البطارية فى الشاحن و نوصله بالكهرباء حتلاقى اللمبة
اصفراء نورت و ده معناه ان البطارية بدأت تتشحن و لما تنور اللمبة الخضراء ده
معناه ان البطارية شحنت بالكامل

لما نيجى نركب البطارية فى الكاميرا حتلاقى
ان البطارية لها وضع معين لازم تتركب بيه و لو ركبتها بالعكس البطارية مش حتتركب .

بعد كده من الحاجات المهمة طبعا تركيب كارت
الميمورى و مش اى كارت ميمورى ينفع نستعمله فى الكاميرا على الاخص اذا كنت حتصور
فيديوهات فمثلا مش حينفع تركب كارت الميمورى اللى بنركبه فى الموبايلات لان كروت
الميمورى تختلف فى سرعات القراءة منها و الكتابة عليها و الكروت اللى ينفع نسجل
عليها الفيديوهات تبدأ سرعتها من 80mb/s و سرعة الكارت بتكون مكتوبة عليه و طبعا سعر الكارت بيختلف حسب
سرعته

من مميزات الكاميرات الكانون dslr ان كارت الميمورى بيركب فى مكان غير مكان
البطارية و هو هنا و الميزة دى مش موجودة فى الكاميرات mirrorless الجديدة . بس ايه الميزة فى الموضوع ده ؟

الميزة اننا لما نركب الكاميرا على الترايبود
و عايزين ناخد الفيديوهات اللى على كارت الميمورى بعد test مثلا او فى نص التصوير مش حنضطر نفك
الكاميرا من على الترايبود و ده على عكس الوضع مع الكاميرات mirrorless لان كارت الميمورى بيكون مع البطارية فى نفس
المكان

بعد كده عندنا شاشة الكاميرا .. من المميزات
المحترمة جدا و اللى بتتميز بيها الكاميرات الكانون عموما هى الشاشة المتحركة و
خصوصا للناس اللى بتصور فيديوهات لنفسها لانها بتخليك تقدر تشوف نفسك و انت بتصور
الفيديو و الا انك حتضطر تركب شاشة اضافية و دى معناها تكلفة اضافية مش اقل من
2000 جنيه مثلا

ده غير امكانية التحكم فى كل وظائف الكاميرا
من خلال شاشة touch و لكن ما
يمنعش انك ممكن تتحكم فى اغلب الوظائف دى من الازرار اللى موجودة فى الكاميرا
نفسها و فى الحقيقة انا بفضل اظبط اعدادات الكاميرا لانها اسهل الحقيقة و ده حسب
ما بتتعود برضه

الموقع الرسمى : www.way2ebusiness.com  

مواقع التواصل الاجتماعى :

صفحة الفيس بوك :  https://www.facebook.com/Way2ebusiness

جروب الفيس بوك :  https://www.facebook.com/groups/way2ebusiness

تويتر :  https://twitter.com/Way2EBusiness

انستجرام :  https://www.instagram.com/way2ebusiness/

الدعم المالى :

بيتريون : https://www.patreon.com/way2ebusiness

باى بال : http://bit.ly/2lyg0hx